"ევროპის უნივერსიტეტის" ფუტსალის გუნდი არსებობის ისტორიაში პირველად საქართველოს ფუტსალის მთავარ ლიგაში ითამაშებს. ამის შესახებ ინფორმაციას „ევროპის უნივერსიტეტი“ ავრცელებს.
ამავე ინფორმაციით, სულ რაღაც 2 წლის წინ მხოლოდ სტუდენტურ ლიგაში მოასპარეზე "ევროპის უნივერსიტეტი" დღეს საქართველოს საუკეთესო გუნდთა შორისაა.
"ევროპის უნივერსიტეტმა" "ფუტსალის ლიგა 2"-ის ვიცე-ჩემპიონობის შემდეგ, ქუთაისის "მართვეს" წინააღმდეგ ფლეი-აუტი ითამაშა და მოწინააღმდეგეს სერია მშრალად მოუგო, "ევროპელებმა" მეტოქე ორ თამაშში დაამარცხეს და "ფუტსალის უმაღლესი ლიგის" საგზური მოიპოვეს.
"ევროპის უნივერსიტეტის" ფუტსალის გუნდი მომდევნო სეზონიდან საქართველოს პირველობისთვის იბრძოლებს.