ირლანდიის პარლამენტის ევროკავშირის საქმეთა კომიტეტის თავმჯდომარე - რა გადაწყვეტილებაც არ უნდა იყოს ხვალ მიღებული, ეს არაა თამაშის დასასრული, ღია უნდა გვქონდეს ჟურნალი, რომელშიც საქართველოს შესწავლას გავაგრძელებთ

რა გადაწყვეტილებაც არ უნდა იყოს ხვალ მიღებული, ეს არ არის თამაშის დასასრული, კომუნიკაცია ისევ უნდა გაგრძელდეს და ღია გვქონდეს ჟურნალი, რომელშიც საქართველოს უფრო ღრმად შესწავლას გავაგრძელებთ, - ამის შესახებ ირლანდიის პარლამენტის ევროკავშირის საქმეთა კომიტეტის თავმჯდომარე ჯო მაკჰიუმ ევროპასთან ინტეგრაციის კომიტეტის სხდომაზე განაცხადა.

როგორც მან სიტყვით გამოსვლისას აღნიშნა, ძალა ერთიანობის გარეშე არ არსებობს, შესაბამისად, ყველანაირად დაგვიჭერენ მხარს იმაში, რაც მათ შესაძლებლობებსა და კომპეტენციებში შედის.

„ვხედავ გარკვეულ იმედგაცრუებას და ფრუსტრაციას, რომელიც გამოიწვია იმ ფაქტმა, რომ საქართველო გამოიყო ამ სამეულისაგან გასული კვირის გადაწყვეტილების შედეგად. რა გადაწყვეტილებაც არ უნდა იყოს ხვალ მიღებული, ეს არ არის თამაშის დასასრული, კომუნიკაცია ისევ უნდა გაგრძელდეს და ღია გვქონდეს ჟურნალი, რომელშიც გავაგრძელებთ საქართველოს უფრო ღრმად შესწავლას. ჩვენ გვჯერა თქვენი ამბიციისა, მე 2 წლის ვიყავი, როდესაც ჩვენმა ქვეყანამ მიიღო ევროკავშირის წევრობა. ჩვენი მოსახლეობა 5 მილიონს შეადგენს და 1973 წლიდან მოყოლებული, ეს კოლექტიური ერთად ყოფნა იყო უდიდესი სარგებლობის მომტანი თითოეული ქვეყნისთვის, შესაბამისად, მესმის თქვენი ამბიცია, არ არსებობს ძალა ერთიანობის გარეშე. ჩვენ ვიმუშავებთ თქვენთან ერთად და ყველანაირად დაგიჭერთ მხარს იმაში, რაც კი შედის ჩვენს შესაძლებლობებსა და კომპეტენციებში“, - აღნიშნა ჯო მაკჰიუმ.

ის ასევე შეეხო საქართველოს ოკუპირებული ტერიტორიების საკითხს. მაკჰიუს განცხადებით, ევროკავშირის წევრობა სწორედ იმის გარანტიას იძლევა, რომ ქვეყანაში მშვიდობა დამყარდეს.

„როდესაც ევროკავშირს შევუერთდით ირლანდიაშიც კონფლიქტი გვქონდა, მე კარგად მესმის რას ნიშნავს გაყოფა. გუშინ როდესაც „სამხრეთ ოსეთისკენ“ გაგვახედეს დავინახეთ ის განხეთქილება, რომელიც თქვენს ქვეყანაში არსებობს. რასაკვირველია, ევროკავშირის წევრობა იძლევა გარანტიას, რომ მშვიდობა დამყარდეს ქვეყანაში. ჩვენთვის ყველაზე დიდი მნიშვნელობა ჰქონდა მშვიდობას, ამიტომ სათუთად ვეპყრობოდით იმ ფაქტს, რომ ევროკავშირის წევრი გავხდით და გაცილებით მეტად ვმუშაობდით მშვიდობის დამყარებისათვის“, - აღნიშნა ჯო მაკჰიუმ.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია