გრიგოლ გეგელია - ირაკლი ღარიბაშვილი მატყუარაა, „ლელო" კანდიდატობის ერთ-ერთი ყველაზე აქტიური მხარდამჭერია

სრული პასუხისმგებლობით ვაცხადებ, რომ "ლელოს" ყველა ძალისხმევა, შეხვედრა და საერთაშორისო კომუნიკაცია მუდამ იმისაკენ იყო მიმართული, რომ საქართველოს არ დაეკარგა კანდიდატობის შესაძლებლობა, - ამის შესახებ "ლელოს" საგარეო მდივანმა, გრიგოლ გეგელიამ განაცხადა.

ის ასევე გამოეხმაურა პარლამენტის პლენარული სხდომაზე საქართველოს პრემიერ-მინისტრის, ირაკლი ღარიბაშვილის გუშინდელ გამოსვლას. გეგელიას თქმით, საქართველოს მთავრობის მეთაური ცრუობს.

„გუშინ მთელმა საქართველომ ნახა, რომ საქართველოს ჰყავს სრულიად არაადეკვატური, არასტაბილური პრემიერი, რომელიც ისტერიული მატყუარაა. აბსოლუტური სიცრუეა, რომ "ლელოს" რომელიღაც ლიდერი ოდესმე ბრიუსელში თუ სხვაგან საქართველოსთვის კანდიდატის სტატუსის მინიჭებას უშლიდა ხელს. ამას ადასტურებს ვიოლა ფონ კრამონის და მარკეტა გრეგოროვას განცხადებებიც, რომ ყველაფრის მიუხედავად, "ლელოც" და ქართული ოპოზიციაც პარტნიორებთან კომუნიკაციისას მუდამ უჭერდა მხარს კანდიდატის სტატუსის მინიჭებას. მინდა ღარიბაშვილს ასევე შევახსენო, რომ ევროპის ერთ-ერთმა უმსხვილესმა პოლიტიკურმა ოჯახმა, ALDE-მ, სწორედ ჩვენი ერთობლივი ძალისხმევით მიიღო საქართველოს მხარდამჭერი რეზოლუცია.

„ქართული ოცნებისგან“ განსხვავებით, რომელიც ლობისტებში მილიონებს ხარჯავს, მაგრამ კრიტიკის გარდა ვერაფერს იღებს, რის გამოც დღეს მილიონობით ქართველის პერსპექტივა დააზარალა, სწორედ საქართველოს ოპოზიცია ცდილობს რომ საერთაშორისო ასპარეზზე ქართველი ხალხის 85%-ის ნება ღირსეულად წარმოადგინოს. ამ წუთებშიც, სანამ ღარიბაშვილი გაფუჭებულ საქმეს აუარესებს, ბრიუსელში "ლელოს" და ყველა პროევროპელი მოქალაქის სახელით ვაგრძელებ საქართველოს ყველა მნიშვნელოვან პარტნიორთან კომუნიკაციას ჩვენი სახელმწიფოს ევროპული მომავლისადმი მტკიცე და ურყევ მხარდაჭერის დასაფიქსირებლად. პრაქტიკა და ევროპარლამენტარების განცხადებები კარგად აჩვენებს თუ ვინ გააკეთა მეტი საქართველოს სასიკეთოდ, მთავრობამ თუ ოპოზიციამ“, - განაცხადა გრიგოლ გეგელიამ.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია