გიორგი ხანიშვილი მტკნარი წყლის აკვაკულტურის ღირებულებათა ჯაჭვის ანალიზის პრეზენტაციას დაესწრო

გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი მტკნარი წყლის აკვაკულტურის ღირებულებათა ჯაჭვის ანალიზის პრეზენტაციას დაესწრო. ინფორმაციას ამის შესახებ გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, გიორგი ხანიშვილმა ევროკავშირს და გაეროს სურსათის და სოფლის მეურნეობის ორგანიზაციას (FAO) მხარდაჭერისთვის მადლობა გადაუხადა და ხაზგასმით აღნიშნა, რომ ქვეყნისთვის აკვაკულტურის განვითარება პრიორიტეტულია.

მინისტრის პირველმა მოადგილემ დარგში არსებულ პროგრესზე ვრცლად ისაუბრა. აღინიშნა, რომ ამ კუთხით არაერთი ნაბიჯი უკვე გადაიდგა. საქართველოს პარლამენტმა, 2020 წელს, „აკვაკულტურის შესახებ“ კანონი მიიღო. არაერთი კანონქვემდებარე აქტი გამოიცა. აკვაკულტურის სტრატეგიის შექმნაზე მუშაობა მიმდინარეობს. პარალელურად, ევროკავშირთან მოლაპარაკებები მიმდინარეობს, რათა საქართველოში წარმოებული აკვაკულტურის პროდუქტებისთვის ევროკავშირის ბაზარი გაიხსნას.

„შეხვედრაზე აღინიშნა, რომ წარმოდგენილი კვლევა აკვაკულტურის დარგის განვითარების გზაზე მნიშვნელოვან როლს შეასრულებს. კვლევის ჩასატარებლად, ევროკავშირის ექსპერტები საქართველოში იმყოფებოდნენ, მნიშვნელოვანი სამუშაო ჩატარდა, რაც კვლევაში აისახა.

ღონისძიებას სამინისტროს შესაბამისი უწყების წარმომადგენლები და დაინტერესებული პირები ესწრებოდნენ,“ - აღნიშნულია ინფორმაციაში.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?