ეროვნული ბანკი - სსფ-ის ანგარიში ეროვნული ბანკის ნაბიჯებს ინფლაციის სამიზნე მაჩვენებელთან დასაახლოებლად დადებითად აფასებს

საერთაშორისო სავალუტო ფონდმა საქართველოსთვის ახალი სამწლიანი პროგრამა დაამტკიცა, რომელიც ქვეყნისთვის საჭიროების შემთხვევაში $280-მილიონიანი დაფინანსების გამოყოფას ითვალისწინებს. ეროვნული ბანკის ინფორმაციით, აღნიშნულთან დაკავშირებით, საერთაშორისო სავალუტო ფონდმა ვრცელი ანგარიში გამოაქვეყნა, რომელიც დეტალურად მიმოიხილავს ქვეყნის ეკონომიკურ მდგომარეობას და რეგიონში მიმდინარე მოვლენებს.

დოკუმენტში განხილულია გლობალური პანდემიის ფონზე გატარებული ღონისძიებები. ანგარიშის თანახმად, გატარებულმა პოლიტიკამ ხელი შეუწყო 2021 წელს Covid-19-ის შოკის შემდგომ აღდგენას. ამასთან, საუბარია უკრაინაში რუსეთის მიერ განხორციელებული სრულმასშტაბიანი ომის მიერ გამოწვეულ შედეგებზე.

„კრიზისამდელ პერიოდში არსებული ძლიერი საფინანსო ზედამხედველობისა და სებ-ის მიერ გატარებული სწრაფი საზედამხედველო ღონისძიებების შედეგად, ბანკებმა მსესხებლებისთვის დაფარვებზე შეღავათების შეთავაზება შეძლეს თანაც ისე, რომ ეკონომიკის დაკრედიტება არ შეფერხებულიყო. ასევე, საფინანსო სისტემაზე ფართომასშტაბიანი გავლენა თავიდან იქნა აცილებული "ვითიბი ბანკი საქართველოს" აქტივების და ვალდებულებების ორ სხვა შედარებით მცირე ბანკში გადატანით. სებ-მა კომერციულ ბანკებს სანქციების დაცვა მოსთხოვა, რითაც რისკების შეზღუდვა მოახდინა", - აღნიშნულია ანგარიშში.

ამასთან, დადებითად არის შეფასებული ეროვნული ბანკის ქმედებები ინფლაციასთან მიმართებით. "გლობალური მასშტაბით არსებული მაღალინფლაციური წნეხის პირობებში, ეროვნული ბანკი მის მიერ დადგენილი ინფლაციის მიზნობრივი მაჩვენებლის ერთგული რჩება", - ნათქვამია ანგარიშში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024