ადვოკატები ჩოხატაურის მოსახლეობას შეხვდნენ

იურიდიული დახმარების დირექტორი რაჟდენ კუპრაშვილი და ადმინისტრაციის თანამშრომლები ჩოხატაურის მუნიციპალიტეტის მერიის ადმინისტრაციის, საკრებულოს, სოციალური სამსახურების წარმომადგენლებსა და სოფლების რწმუნებულებს შეხვდნენ. ინფორმაციას ამის შესახებ იურიდიული დახმარების სამსახური ავრცელებს.

მათივე ცნობით, სპეციალურ პრეზენტაციაზე წარმოდგენილი იყო უფასო სამართლებრივი დახმარების მიღების კრიტერიუმები, ქალთა მიმართ და ოჯახში ძალადობის საკითხები, ბავშვთა უფლებები, შეზღუდული შესაძლებლობების მქონე პირთა უფლებები და სხვა უმნიშვნელოვანესი პროექტები, რაზეც იურიდიული დახმარების სამსახური მუშაობს.

„ჩოხატაურელებმა აღნიშნეს, რომ ძალიან მნიშვნელოვანია უფასო სამართლებრივ დახმარებაზე ხელმისაწვდომობა მათი მუნიციპალიტეტისათვის, რადგან დაგროვილია არაერთი სამართლებრივი პრობლემა, რომელიც მოსახლეობას აწუხებს და დროულ რეაგირებას საჭიროებს. მათ შორისაა, მიწის რეგისტრაცია, მემკვიდრეობა და საოჯახო დავების საკითხები.

განსაკუთრებული ინტერესი იურიდიული დახმარების სამსახურის მობილურმა აპლიკაციამ LAS Georgia-მ და "პარალეგალების" პროექტმა გამოიწვია. ადგილობრივთა ნაწილი პირველადი იურიდიული დახმარების გაწევის მსურველთა სიაში უკვე დარეგისტრირდა და ტრენინგებს მალე გაივლიან, სპეციალურ ცოდნას მიიღებენ და დაინტერესებული პირებისათვის მნიშვნელოვანი დახმარების გაწევას თავადაც შეძლებენ“, - აღნიშნულია ინფორმაციაში.

დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
ქართული პრესის მიმოხილვა 02.12.2022
ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება