წალენჯიხის მუნიციპალიტეტის ორ სოფელში მეწყრული პროცესები განვითარდა

უხვი ნალექის შედეგად წალენჯიხის მუნიციპალიტეტის სოფელ მედანსა და ჩქვალერში მეწყრული პროცესები განვითარდა.

ერთ-ერთი ოჯახის საკარმიდამო ნაკვეთი ორ ნაწილად გაყო.

მუნიციპალიტეტის მერის მოადგილის თამარ ბელქანიას ინფორმაციით, საუბარია 2 ჰა-მდე მიწის ნაკვეთზე.

ასევე, დაზიანებულია ელექტროგადამცემი ბოძები, ბუნებრივი აირის მილი, წყალსაქაჩი და საავტომობილო გზა.

სტიქიის ზონაში ადგილობრივი ხელისუფლების წარმომადგენლები იმყოფებიან.

"გადაუღებელმა წვიმამ გამოიწვია მეწყრული პროცესები, განსაკუთრებით დაზიანდა სოფელი ჩქვალერი და მედანი. მიქავების საკარმიდამო ნაკვეთზე დაიძრა მიწა. დაზიანებულია გაზის მილი, ელექტროსადენები, წყალსაქაჩი, შესაბამისი კომუნიკაციების გარეშეა მოსახლეობა დარჩენილი. მეწყერმა დააზიანა საავტომობილო გზა. შექმნილია კომისია და შესწავლილი იქნება, თუ რამდენად უსაფრთხო იქნება ადამიანებისთვის აქ ცხოვრება. საუბარია ორ ოჯახზე, თუმცა ამ ზონაშია მოქცეული კიდევ ექვსი ოჯახი. შესაბამისად, ამ მიდამოების დათვალიერება მიმდინარეობს",- განაცხადა თამარ ბელქანიამ.

ბოლო დღეების განმავლობაში უხვმა ნალექმა სამეგრელოს თითქმის ყველა მუნიციპალიტეტში პრობლემები შექმნა.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად