უნდა მივაწვეთ და იმხელა წნეხი განვახორციელოთ, რომ ესენი უნდა წავიდნენ. ამის მერე ვინ იქნება მთავრობაში, საერთოდ მეათეხარისხოვანია, - ამის შესახებ “ხალხის პარტიის” ლიდერმა ანა დოლიძემ ჟურნალისტებს განუცხადა, როდესაც უპასუხა დასმულ შეკითხვას, როგორ წარმოუდგენია ტექნიკური მთავრობის არჩევა და დაკომპლექტება.
ანა დოლიძის თქმით, პირველ რიგში, უნდა გვახსოვდეს მთავარი ამოცანა- 20 და 24 ივნისის მასობრივი გამოსვლები.
“მთავარი ამოცანაა ქართველი ხალხის რისხვისა და ქართველი ხალხის უკმაყოფილების დაფიქსირება ხელისუფლების, ირაკლი ღარიბაშვილისა და ბიძინა ივანიშვილის მიმართ. მთავარი ამოცანაა, ესენი უნდა გადადგნენ და უნდა მოვიდნენ ძირეულ დათმობებზე. ამის შემდეგ პროცედურულად როგორ განხორციელდება ეს ყველაფერი, არ მგონია, ჩვენი ხალხი ღირსი იყოს, რომ ამით დავღალოთ. უნდა მივაწვეთ და იმხელა წნეხი უნდა განვახორციელოთ, რომ ესენი უნდა წავიდნენ. ამის მერე ვინ იქნება მთავრობაში, საერთოდ მეათეხარისხოვანია”, - აცხადებს ანა დოლიძე.