28 ივნისს „ჯორჯიან უოთერ ენდ ფაური“ საბურთალოს რაიონში, მ. ასათიანის ქუჩა N5-ის მიმდებარედ წყალარინების ქსელზე აუცილებელ ტექნიკურ სამუშაოებს ჩაატარებს.
კომპანიის ცნობით, სამუშაოების მიმდინარეობისას „ჯივიპის“ ტექნიკური ჯგუფის მიერ შეიცვლება წყალარინების ქსელის ამორტიზებული მონაკვეთი და მოეწყობა სამი ახალი საკვანძო ჭა.
„გადაუდებელი ტექნიკური სამუშაოების მიმდინარეობისას, 28 ივნისიდან 3 ივლისამდე, ასათიანის ქუჩა N5-ის მიმდებარედ ნაწილობრივ შეფერხდება საგზაო მოძრაობა. სამუშაოების დასრულების შემდეგ მოწესრიგდება გზის მონაკვეთი და დაიგება ასფალტის საფარი. „ჯორჯიან უოთერ ენდ ფაუერი“ ბოდიშს გიხდით შექმნილი დისკომფორტისთვის”,- აღნიშნულია გავრცელებულ ინფორმაციაში.