გარემოს დაცვისა და სოფლის მეურნეობის სამინისტრო კიდევ ერთხელ მოუწოდებს მწარმოებლის გაფართოებულ ვალდებულებას (მგვ) დაქვემდებარებული პროდუქციის მწარმოებლებსა და იმპორტიორებს, მგვ რეესტრში დარეგისტრირდნენ.

კანონის თანახმად, 2022 წლის 1-ლი ივლისიდან, შესაბამის მგვ ვალდებულებას დაქვემდებარებული პროდუქციის დისტრიბუტორები ვალდებულნი არიან, ბაზარზე იმ მწარმოებლების მიერ მოწოდებული პროდუქცია არ განათავსონ, რომლებიც მგვ რეესტრში რეგისტრირებული არ არიან და მგვ ორგანიზაციის წევრები არ არიან. ინფორმაციას ამის შესახებ გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, მწარმოებლის გაფართოებული ვალდებულების დანერგვის მიზნით, საქართველოს მთავრობამ, 2020 წლის 25 მაისს, 4 ტექნიკური რეგლამენტი მიიღო: ნარჩენი ზეთების მართვის შესახებ, საბურავების ნარჩენების მართვის შესახებ, ელექტრო და ელექტრონული მოწყობილობების ნარჩენების მართვის შესახებ, ბატარეებისა და აკუმულატორების ნარჩენების მართვის შესახებ. რეგლამენტებით განსაზღვრულია მგვ სქემაში ჩართული ყველა მხარის უფლება-მოვალეობები.

„გარემოს დაცვისა და სოფლის მეურნეობის სამინისტრო კიდევ ერთხელ მოუწოდებს მწარმოებლის გაფართოებულ ვალდებულებას დაქვემდებარებული პროდუქციის მწარმოებლებსა და იმპორტიორებს, მგვ რეესტრში დარეგისტრირდნენ და მგვ ორგანიზაციის წევრები გახდნენ, ხოლო მგვ ვალდებულებას დაქვემდებარებული პროდუქციის დისტრიბუტორებმა, 2022 წლის 1-ლი ივლისიდან ბაზარზე არ განათავსონ იმ მწარმოებლების მიერ მოწოდებული პროდუქცია, რომლებიც მგვ რეესტრში რეგისტრირებული არ არიან და მგვ ორგანიზაციის წევრები არ არიან.

დღეის მდგომარეობით, საქართველოს გარემოს დაცვისა და სოფლის მეურნეობის სამინისტროს მიერ ავტორიზაცია გაცემულია მწარმოებლის გაფართოებულ ვალდებულებას დაქვემდებარებულ შემდეგ ორგანიზაციებზე:

ა(ა)იპ „თეგეტაგრინპლანეტი“; ტელ: 591 35 55 88; ელ.ფოსტა: info@tgp.ge.

შესაბამისობის კოლექტიური სქემა: ნარჩენი ზეთები, ნარჩენი საბურავები, ნარჩენი აკუმულატორები.

ა(ა)იპ „ნარჩენებისმართვისბიზნესასოციაცია“; ტელ: 593 35 78 91, 557 19 55 99; ელ.ფოსტა: info.wmba1@gmail.com.

შესაბამისობის კოლექტიური სქემა: ნარჩენი ზეთები, ნარჩენი საბურავები, ნარჩენი აკუმულატორები.

ა(ა)იპ „საქართველოსმწარმოებლისგაფართოებულივალდებულებისასოციაცია“; ტელ: 599 22 40 70; ელ.ფოსტა: geoproassociation@gmail.com.

შესაბამისობის კოლექტიური სქემა: ნარჩენი ზეთები, ნარჩენი საბურავები, ნარჩენი ბატარეები და აკუმულატორები, ნარჩენი ელექტრო და ელექტრონული მოწყობილობები,“ - აღნიშნულია გავრცელებულ ინფორმაციაში.