თავდაცვისა და უშიშროების კომიტეტის თავმჯდომარე, ირაკლი ბერაია და კომიტეტის წევრები ნატოს საპარლამენტო ასამბლეის დელეგაციის წარმომადგენლებს შეხვდნენ

ნატოს საპარლამენტო ასამბლეაში პარლამენტის მუდმივმოქმედი დელეგაციის ხელმძღვანელი, თავდაცვისა და უშიშროების კომიტეტის თავმჯდომარე, ირაკლი ბერაია და კომიტეტის წევრები საქართველოში ვიზიტად მყოფ ნატოს საპარლამენტო ასამბლეის თავდაცვისა და უსაფრთხოების კომიტეტის, სამომავლო უსაფრთხოებისა და თავდაცვის შესაძლებლობების ქვეკომიტეტის დელეგაციის წევრებს შეხვდნენ. ამის შესახებ ინფორმაციას საქართველოს პარლამენტის პრესსამსახური ავრცელებს.

მათი ცნობით, შეხვედრაზე მხარეებმა საქართველოს ევროატლანტიკური ინტეგრაციის საკითხები, საგარეო პოლიტიკის მიმართულებები და უსაფრთხოების კუთხით არსებული გამოწვევები განიხილეს.

„თავდაცვისა და უშიშროების კომიტეტის და ნატოს საპარლამენტო ასამბლეაში პარლამენტის მუდმივმოქმედი დელეგაციის წევრებმა ნატოს საპარლამენტო ასამბლეის დელეგაციის წარმომადგენლებთან მნიშვნელოვანი და პროდუქტიული შეხვედრა გავმართეთ. მნიშვნელოვანია, რომ ნატოს საპარლამენტო ასამბლეის დელეგაცია, საქართველოს, მადრიდის სამიტის პარალელურად სტუმრობს. ეს კიდევ ერთხელ ადასტურებს თუ რაოდენ მნიშვნელოვანი ადგილი უკავია ჩვენს ქვეყანას ალიანსის დღის წესრიგში.

შეხვედრაზე საქართველოს წინაშე არსებულ საფრთხეებზე და გამოწვევებზე ვისაუბრეთ და ქვეყნის უსაფრთხოების გარემო და საგარეო პრიორიტეტები მიმოვიხილეთ. სტუმრებთან შეხვედრისას საქართველოს ნატოში გაწევრიანების გადაწყვეტილების დაჩქარების მნიშვნელობას გაესვა ხაზი. აღინიშნა, რომ საქართველო ჩრდილო ატლანტიკური ხელშეკრულების პრინციპების ერთგული რჩება და სრულად იზიარებს იმ ფასეულობებს და ღირებულებებს, რასაც ევრო ატლანტიკური სივრცე ემყარება. შეხვედრაზე ხაზი გავუსვით მკვეთრად გაუარესებულ უსაფრთხოების გარემოს, რომელიც განსაკუთრებით საგანგაშო უკრაინის წინააღმდეგ რუსეთის ფართომასშტაბიანი სამხედრო აგრესიის შემდეგ გახდა და ეს ყველაფერი მეტყველებს იმაზე, რომ მშვიდობის და სტაბილურობის უზრუნველსაყოფად, ერთადერთი სწორი გზა რეგიონში ალიანსის გაფართოება და მისი წარმომადგენლობის გაზრდაა", - განაცხადა ნატოს საპარლამენტო ასამბლეაში პარლამენტის მუდმივმოქმედი დელეგაციის ხელმძღვანელმა, ირაკლი ბერაიამ.

ნატოს საპარლამენტო ასამბლეის დელეგაციის წევრებთან გამართულ შეხვედრას ალექსანდრე ტაბატაძე, ვლადიმერ ჩაჩიბაია, თეონა აქუბარდია, გიორგი ხელაშვილი, ნინო იობაშვილი, ალექსანდრე ელისაშვილი, დევი ჭანკოტაძე და ჰერმან საბო დაესწრნენ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024