კაფე "მზიურის" ინფორმაციით, კაფის მიმდებარე ტერიტორიაზე კვლავ რჩებიან სამართალდამცველები, მას შემდეგ, რაც "თბილისი პრაიდის" მოწინააღმდეგეები ტერიტორიაზე შეიკრიბნენ და ლგბტქ ​დროშის ჩამოხსნა მოითხოვეს.

"კაფეს ეზოში დავტოვეთ ასამდე პოლიციელი, რომლის იმედადაც რჩება დღეს მზიურის კაფე.

გახსნის დღიდან ჩვენ ვცდილობთ შევქმნათ თანასწორი, ინკლუზიური სივრცე და ვიყოთ ყველას კაფე. ცისარტყელის დროშის დაკიდებით ჩვენ გამოვხატავთ სოლიდარობას ლგბტქ თემის მიმართ, რადგან ვფიქრობთ, რომ ერთმანეთის უფლებების პატივისცემა ყველას ვალდებულებაა.

ყველას დიდი მადლობა მხარდაჭერისთვის - დროშა არ მოგვიხსნია!", - ნათქვამია "მზიურის" მიერ გავრცელებულ ინფორმაციაში.

შეგახსენებთ, მანამდე ტერიტორიაზე მივიდნენ "თბილისი პრაიდის" მოწინააღმდეგეები, რომლებმაც კაფეში, ცისარტყელის ფერებში დროშის ჩამოხსნა მოითხოვეს. მათ თან ჰომოფობიური შინაარსის პლაკატები ჰქონდათ.