გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.

კომპანიის მიერ გავრცელებული ინფორმაციით, ქსელის გეგმური სარეაბილიტაციო სამუშაოების გამო, 30 ივნისს, 12:00-დან 19:00 საათამდე ელექტროენერგიის მიწოდება შეეზღუდება აბონენტებს მცხეთის რაიონის სოფლებში: ძალისი, მუხრანი, ცხვარიჭამია, ქსოვრისი, ციხისძირი, წიწამური და მიმდებარე სოფლებში; 12:00-დან 16:00 საათამდე აბონენტებს თბილისის მუნიციპალიტეტში სოფელ დიღომში სონღულაშვილის, თოფჩიშვილის, აღმაშენებლის, დიდგორის და მიმდებარე ქუჩებზე; 15:00-დან 16:30 საათამდე აბონენტებს დუშეთის რაიონის სოფლებში: არღუნი, ჯავახიანთკარი, დუდაურები, ოქრუაანი და მიმდებარე სოფლებში.

როგორც კომპანიაში აცხადებენ, სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.