გერმანიის ეკონომიკური თანამშრომლობისა და განვითარების ფედერალური მინისტრი სვენია შულცე ილია წინამძღვრიშვილის სახელობის პროფესიულ კოლეჯს ესტუმრა

გერმანიასა და საქართველოს შორის დიპლომატიური ურთიერთობის 30 წლის იუბილეს ფარგლებში საქართველოს ოფიციალური ვიზიტით გერმანიის ეკონომიკური თანამშრომლობისა და განვითარების ფედერალური მინისტრი სვენია შულცე ესტუმრა. ინფორმაციას განათლებისა და მეცნიერების სამინისტრო ავრცელებს.

მათი ცნობით, მინისტრმა გერმანული მხარის დელეგაციასთან, საქართველოს განათლებისა და მეცნიერების მინისტრის მოადგილესთან, ვალერიან გობრონიძესთან და პროფესიული უნარების სააგენტოს გენერალურ დირექტორთან, თამარ ქიტიაშვილთან ერთად, მცხეთის რაიონის სოფელ წინამძღვრიანთკარში, ილია წინამძღვრიშვილის სახელობის კოლეჯი მოინახულა და ადმინისტრაციის წარმომადგენლებს შეხვდა.

„შეხვედრის ფარგლებში მხარეებმა საქართველოში პროფესიული განათლების მნიშვნელობაზე და რეფორმის პროცესში გერმანული მხარის ჩართულობაზე ისაუბრეს. ქართული მხარის წარმომადგენლებმა მინისტრს საქართველოს უძველესი კოლეჯის ისტორია და აღნიშნული კოლეჯის მაგალითზე, რეფორმის შედეგად მიღწეული შედეგები გააცნეს.

აღსანიშნავია, რომ ილია წინამძღვრიშვილის სახელობის კოლეჯი დაფუძნებულია 1883 წელს დაარსებული სკოლის ბაზაზე, რომელიც იყო ერთ-ერთი პირველი პროფესიული სასწავლებელი საქართველოში. სკოლა ქველმოქმედმა ილია წინამძღვრიშვილმა სოფელ წინამძღვრიანთკარში, საკუთარ მამულში, თავისი სახსრებითა და წერა-კითხვის გამავრცელებელი საზოგადოების წევრებისა და ილია ჭავჭავაძის თანადგომით დააარსა. დღეისათვის კოლეჯში სწავლება 30-მდე პროფესიულ საგანმანათლებლო პროგრამაზე აგრარული, ტურიზმის, მომსახურების სფეროს, სოფლის მეურნეობის და კვების პროდუქტების წარმოების მიმართულებით, მათ შორის დუალური მიდგომით, მიმდინარეობს.

აღსანიშნავია რომ გერმანულ-ქართული თანამშრომლობის განსაკუთრებულ სფეროს სწორედ დუალური პროფესიული განათლება წარმოადგენს. 2016 წლიდან გერმანიის საერთაშორისო თანამშრომლობის საზოგადოება (GIZ) ჩართულია პრაქტიკაზე ორიენტირებული განათლების განვითარებაში მეღვინეობის, მშენებლობის, ტურიზმის, ლოგისტიკისა და საინფორმაციო ტექნოლოგიების დარგებში. ამ პროგრამაში უკვე 13 პროფესიული კოლეჯი და 80-ზე მეტი კერძო კომპანია მონაწილეობს“,-აღნიშნულია ინფორმაციაში.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე