სხვადასხვა სამუშაოს ჩატარების გამო 2 ივლისს ელექტრომომარაგება დროებით შეიზღუდება. ამის შესახებ ინფორმაციას კომპანია „თელასი“ ავრცელებს.
მათივე ინფორმაციით, გლდანის რაიონში გადაუდებელი სამუშაოების გამო 10:00 საათიდან 17:00 საათამდე შეზღუდვა შეეხება: ქერჩის ქუჩის (ნაწილობრივ) მოსახლეობას.
ქსელში გადართვების გამო 10:00 საათიდან 11:00 საათამდე შეზღუდვა შეეხება: მეტრო „ახმეტელი“-ს მიმდებარი ტერიტორიას, გლდანის მასივის I მიკრორაიონის, მუხიანის IV მიკრორაიონის (ნაწილობრივ), ომარ ხიზანიშვილის, ანგია ბოჭორიშვილის, მოსულიშვილის, გობრონიძის (ნაწილობრივ), ვეკუას, ნოზაძის, ქერჩის (ნაწილობრივ) და გმირ კურსანტთა ქუჩების მოსახლეობას.
კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.