„საქართველოს სახელმწიფო ელექტროსისტემას“ გერმანიის ეკონომიკური თანამშრომლობის და განვითარების მინისტრი ესტუმრა

“საქართველოს სახელმწიფო ელექტროსისტემის“ სათავო ოფისს გერმანიის ფედერაციული რესპუბლიკის ეკონომიკური თანამშრომლობისა და განვითარების მინისტრი სვენია შულცე, პარლამენტის წევრები, გერმანიის ფედერაციული რესპუბლიკის საელჩოს და KfW-ს განვითარების ბანკის წარმომადგენლები ეწვივნენ.

“საქართველოს სახელმწიფო ელექტროსისტემის“ მიერ გავრცელებული ინფორმაციით, შეხვედრაზე იმსჯელეს რეგიონში არსებული ენერგეტიკული უსაფრთხოების, საინვესტიციო პოლიტიკის, განახლებადი ენერგიების და ელექტროენერგეტიკული ბაზრის ლიბერალიზაციასთან დაკავშირებულ საკითხებზე.

„ყურადღება გამახვილდა საქართველოს რეგიონულ ჰაბად ქცევისა და ენერგოდამოუკიდებლობის მიღწევის გზებზე. ვიზიტის ფარგლებში, სტუმრებმა დაათვალიერეს „საქართველოს სახელმწიფო ელექტროსისტემის“ ეროვნული სადისპეტჩერო ცენტრი და გაეცნენ მისი მუშაობის პრინციპებს.

„საქართველოს სახელმწიფო ელექტროსისტემა“ მასშტაბურ ენერგეტიკულ პროექტებს ახორციელებს, რომელთა მნიშვნელოვანი ნაწილი გერმანიის მთავრობის ფინანსური მხარდაჭერით და KfW-ს მეშვეობით ხორციელდება. გერმანიის დელეგაციის მხრიდან, ამჯერადაც გამოითქვა მზადყოფნა საქართველოს ენერგოსტაბილურობისთვის მნიშვნელოვან პროექტებში თანამონაწილეობისა და სამომავლო მხარდაჭერის შესახებ“, - ნათქვამია გავრცელებულ ინფორმაციაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს