პროექტში „კრეატიულობა და ინტელექტუალური საკუთრება საქართველოს სკოლებში“ წელს 25 სკოლა ერთვება

ევროკავშირისა და საქართველოს ინტელექტუალური საკუთრების შესახებ პროექტის (EUGIPP) ერთ-ერთი კომპონენტი - „კრეატიულობა და ინტელექტუალური საკუთრება საქართველოს სკოლებში" წელს განმეორებით, უფრო დიდი მასშტაბით განხორციელდება. ამის შესახებ ინფორმაციას საქპატენტი ავრცელებს.

მათი ცნობით, 4 სკოლის გარდა, 2022-2023 წელს, პროექტში საქართველოს რეგიონების კიდევ 21 სკოლა ერთვება. ამასთან, სასწავლო აქტივობის ფარგლებში, რომლის მიზანია კრეატიულობისა და ინტელექტუალური საკუთრების საკითხების ინტეგრირება საბაზისო განათლების სისტემაში, საქპატენტის სასწავლო ცენტრის ტრენერების მიერ გადამზადდება 100 მასწავლებელი.

საქპატენტის ინფორმაციით, ინტელექტუალური საკუთრების სწავლების სილაბუსი ითვალისწინებს პრაქტიკულ სწავლებას, ტრენინგებზე მიღებული ცოდნის საფუძველზე სკოლებში ინტელექტუალური საკუთრების შესახებ გაკვეთილების ჩატარებას, რაც მიზნად ისახავს მოსწავლეებში კრეატიულობისა და ინოვაციურობის გაღვივებას.

აღნიშნულ პროექტში ჩართული იქნება 1000 მოსწავლე.

საქპატენტის მიერ გავრცელებული განცხადების თანახმად, „კრეატიულობა და ინტელექტუალური საკუთრება საქართველოს სკოლებში" 2022-2023 წლის სესიის გახსნის ღონისძიება გაიმართა დღეს, „ივენტ ჰოლი - რესპუბლიკის“ საკონფერენციო დარბაზში.

მრგვალი მაგის ფორმატის შეხვედრას ესწრებოდნენ შერჩეული 25 სკოლის დირექტორი, რომელთაც მისასალმებელი სიტყვით მიმართეს საქართველოს ინტელექტუალური საკუთრების ეროვნული ცენტრის, საქპატენტის თავმჯდომარის მოვალეობის შემსრულებელმა ნინო ჩიქოვანმა, EUGIPP-ის ხელმძღვანელმა მარტინ მარიანოვმა და ქეთევან ხუციშვილმა, საქართველოში ევროკავშირის დელეგაციის პროგრამის მენეჯერმა, ასევე, საქართველოს განათლებისა და მეცნიერების სამინისტროს წარმომადგენელმა და სსიპ განათლების ხარისხის განვითარების ეროვნული ცენტრის დირექტორის მოადგილემ კახაბერ ერაძემ.

პროექტის ექსპერტმა, პაატა პაპავამ ღონისძიების მონაწილეებს კომპონენტის პრეზენტაცია წარუდგინა და პროექტის განხორციელების ეტაპები გააცნო, ასევე, სასწავლო მასალა წარუდგინა.

EUGIPP წარმოადგენს ევროკავშირის მიერ დაფინანსებულ საერთაშორისო თანამშრომლობის პროექტს, რომელიც 2020 წლის 1 იანვრიდან მიმდინარეობს და მას ევროკავშირის ინტელექტუალური საკუთრების უწყება (EUIPO) ახორციელებს. პროექტის ძირითადი ბენეფიციარია საქართველოს ინტელექტუალური საკუთრების ეროვნული ცენტრი - „საქპატენტი“.

პროექტი სამწლიანია, მისი ბიუჯეტი შეადგენს 1,2 მილიონ ევროს. პროექტი ეფუძნება ევროპის ქვეყნების კრეატიულობისა და ინტელექტუალური საკუთრების სფეროში ცოდნის გაღრმავების საუკეთესო პრაქტიკას.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024