ძველ თბილისში, კულტურული მემკვიდრეობის ძეგლს რეაბილიტაცია ჩაუტარდა

ძველ თბილისში, აბანოს ქუჩა N23-ის მიმდებარედ არსებულ კულტურული მემკვიდრეობის მქონე ძეგლს კაპიტალური რეაბილიტაცია ჩაუტარდა. ამის შესახებ ინფორმაციას თბილისის მერია ავრცელებს.

მერიის ინფორმაციით, ადგილზე შესრულდა ხარაჩოებისა და დამცავი ბადის მოწყობა, აივნების ხის დაზიანებული ელემენტების დაშლა/განახლება, გაწმენდა, შეკეთება და მონტაჟი. ასევე, შეიცვალა ხის საყრდენი დგარები და მოეწყო საყრდენები. სახლს მოსაპირკეთებელი სამუშაოები ჩაუტარდა, შეიღება ლითონის კონსტრუქცია და სახურავი სრულად შეკეთდა. ასევე, აივნებზე მოეწყო რიკულები.

როგორც მერიის მიერ გავრცელებულ ინფორმაციაშია ნათქვამი, აღნიშნულ სახლს აქამდე არ ჰქონდა საწვიმარი ღარები, რის გამოც სახურავიდან მომდინარე წვიმის წყალი აივნის ხის ელემენტებს აზიანებდა. რეაბილიტაციის შემდეგ მოეწყო წვიმის წყლის გადასაყვანი ღარები, რითაც აივნის ელემენტები დაცული იქნება მომდინარე ნალექისა და შემდგომი დაზიანებისგან.

„აბანოს N23-ში მდებარე სახლი საკმაოდ მძიმე მდგომარეობაში იყო, ახლა კი საცხოვრებლად უსაფრთხოა. ასევე, ვიზუალურად უფრო მშვენიერს ხდის მიმდებარე ტერიტორიას. ძველი თბილისის არსებული იერსახის შენარჩუნება და თაობებისთვის გადაცემა ჩვენთვის ძალიან მნიშვნელოვანია. შესაბამისად, ჩვენს მიერ განხორციელებული სამუშაოების შემდეგ, სახლს ავთენტურობა სრულად შეუნარჩუნდა“, - აღნიშნავს ბექა მიქაუტაძე.

პროექტისთვის კრწანისის რაიონის გამგეობის მიერ 106 000 ლარი დაიხარჯა.

ვიტალი ბალა - კიევისთვის უკრაინა-რუსეთის ომში ჩინეთის მოდერატორობა მიუღებელია
ქართული პრესის მიმოხილვა 20.03.2023
ლევან ლორთქიფანიძე - აშკარაა, რომ „ქართული ოცნება“ კონსერვატიულად და ევროსკეპტიკურად განწყობილი ამომრჩევლის ხარჯზე აპირებს მომავალ არჩევნებზე წარმატების მოპოვებას
ჯანმოს ახალ ინიციატივებს ჯანდაცვის ექსპერტები აკრიტიკებენ
პირველად საქართველოში, ბაზისბანკმა, სუბორდინირებული კორპორატიული სავალო ფასიანი ქაღალდი წარმატებით განათავსა
Bolt და Visa-ს ერთობლივი კამპანია დაიწყო
TNET-მა საქართველოში პირველი Super app წარადგინა
Golden Tulip Design Tbilisi საქართველოში პირველი სასტუმროა, რომელიც NFT პლატფორმაზე იქნება წარმოდგენილი
საქართველოში სრულიად ახალი კონცეფციის მქონე დეველოპერული კომპანია შეიქმნა
Apple-მა თვალისმომჭრელ ყვითელ ფერში ახალი iPhone 14 და iPhone 14 Plus-ი წარმოადგინა