„საქართველოს ბანკი“ ქვეყნის მასშტაბით ბიზნესის ხელშეწყობას განაგრძობს. ამჯერად ბანკთან პარტნიორობით ბორჯომში, სოფელ ტბაზე სასტუმროს რეაბილიტაცია განხორციელდა. ინფორმაციას ამის შესახებ „საქართველოს ბანკი“ ავრცელებს.

მათივე ცნობით, პროექტის ჯამურმა ღირებულებამ 20 000 ლარი შეადგინა.

„ბანკთან თანამშრომლობით, სასტუმროს რეაბილიტაცია წარმატებით დავასრულეთ. ამჟამად სასტუმრო სტუდიოს ტიპის ოთახებით დაკომპლექტებულ 4 კოტეჯს და აუზს აერთიანებს. სამომავლოდ, გვსურს ბიზნესი მეტად გავაფართოოთ და ეზოში დამატებითი სივრცეები მოვაწყოთ, სადაც დამსვენებლები დროის მშვიდად და კომფორტულად გატარებას შეძლებენ“, - აცხადებს სასტუმროს ხელმძღვანელი, ზურაბ სიმონიშვილი.

„საქართველოს ბანკის“ მიკრო ბიზნესის დეპარტამენტის ბიზნესის განვითარების სამსახურის უფროსის, გიორგი ბოჩიკაშვილის თქმით, ბანკი სასტუმრო სექტორის მხარდაჭერის მიზნით მცირე და საშუალო ზომის ბიზნესების ფინანსურ მხარდაჭერას განაგრძობს.

„მოხარული ვართ, რომ შესაძლებლობა გვაქვს, ბორჯომში არსებული სასტუმროს სამომავლო განვითარებას ხელი შევუწყოთ. „საქართველოს ბანკი“ ამ მიმართულებით ფინანსურ მხარდაჭერას აქტიურად გააგრძელებს“, - განაცხადა გიორგი ბოჩიკაშვილმა.