16-17 სექტემბერს, ორწლიანი პაუზის შემდეგ, ბათუმი უმასპინძლებს ქართველ და უცხოელ სტუმრებს, რომლებიც თანამედროვე შემოქმედებით ინდუსტრიას ქმნიან.
„თიბისის“ ცნობით, ფესტივალის 2-დღიანი პროგრამა სხვადასხვა ლექციას, სემინარს, პანელურ დისკუსიასა და სამუშაო შეხვედრას მოიცავს, რომელთაც, ტრადიციულად, სფეროს წამყვანი ადგილობრივი და უცხოელი პროფესიონალები გაუძღვებიან.
„თიბისი“ და AD BLACK SEA ფესტივალის დაარსებიდან, 2015 წლიდან პარტნიორები არიან. „თიბისისთვის“, როგორც ბრენდისთვის, შემოქმედებითი ინდუსტრიის მხარდაჭერა და მისი განვითარება ერთ-ერთი მნიშვნელოვანი მიმართულებაა.
ფესტივალის დეტალური განრიგი უახლოეს პერიოდში იქნება ხელმისაწვდომი.
შევხვდებით ბათუმში, 16-17 სექტემბერს, AD BLACK SEA-ზე!“- აღნიშნულია ინფორმაციაში.