საქართველო ტურიზმის ეროვნული ადმინისტრაციის საკონვენციო და საგამოფენო ბიურომ პორტუგალიაში, მადეირას რეგიონში “M&I VIP Connect Europe 2022” საქმიანი ტურიზმის წამყვან ფორუმში მონაწილეობა მიიღო.

ტურიზმის ეროვნული ადმინისტრაციის ინფორმაციით, ფორუმს სტუმარ-მასპინძლობის სფეროში ევროპის სხვადასხვა ქვეყნის უმსხვილესი კომპანიების წარმომადგენლები დაესწრნენ.

მათივე ცნობით, ფორუმის ფარგლებში, ტურიზმის ეროვნული ადმინისტრაციის საკონვენციო და საგამოფენო ბიურომ საქართველოში საქმიანი ტურიზმის პოტენციალის შესახებ პრეზენტაცია გამართა. სხვადასხვა კომპანიების წარმომადგენლებთან: იტალიიდან, საფრანგეთიდან, სკანდინავიის ქვეყნებიდან, დიდი ბრიტანეთიდან, პოლონეთიდან და სხვა, 30-ზე მეტი საქმიანი შეხვედრა მოეწყო.