ხათუნა სამნიძე - მინდა ირაკლი კობახიძეს და „ოცნებას“ ვუთხრა, თუ დატოვებენ 5%-იან ბარიერს და უფრო გააღრმავებენ პოლარიზაციას, თვითონვე გაებმებიან მახეში

კობახიძეს ვურჩევ, ურთიერთგამომრიცხავ განცხადებებს ნუ აკეთებს - მინდა მას და მთელ „ოცნებას“ ვუთხრა, თუ დატოვებენ 5%-იან ბარიერს და უფრო გააღრმავებენ პოლარიზაციას, თვითონვე გაებმებიან ამ მახეში, - ამის შესახებ „რესპუბლიკური პარტიის“ თავმჯდომარემ, ხათუნა სამნიძემ „პალიტრანიუსის“ გადაცემა „რეზიუმეში“განაცხადა.

ოპოზიციონერი პოლიტიკოსის შეფასებით, „ქართულ ოცნებას“ პარლამენტში შემოსული პატარა პარტიების ეშინია, - ისინი „ერთიანი ნაციონალური მოძრაობისკენ“ არ გადაიხარონ, რასაც შესაძლოა მათი ხელისუფლების ცვლილება მოჰყვეს.

ხათუნა სამნიძის თქმით, თუ „ქართული ოცნება“ შემდეგი საპარლამენტო არჩევნებისთვის ისევ 5%-იან ბარიერს დატოვებს, შეიქმნება ოპოზიციური გაერთიანება, რაც ხელისუფლების ცვლილებას გამოიწვევს.

„კობახიძეს ვურჩევ, ურთიერთგამომრიცხავ განცხადებებს ნუ აკეთებს. 12-პუნქტიან ჩამონათვალში, სადაც საუბარია დეპოლარიზაციაზე და საარჩევნო კოდექსზე, ორივე საკითხს უკავშირდება ბარიერი და საკონსტიტუციო ცვლილება. საუბარია მომავალში ქვეყანას ჰქონდეს მრავალპარტიული პარლამენტი. არგუმენტი, რატომაც არ აკეთებს ამას ხელისუფლება, ისინი ამბობენ, რომ პატარა პარტიები მერე გადაიხრებიან „ნაციონალური მოძრაობისკენ“ და ხელისუფლებასაც წაგვართმევენო. ქვეტექსტი იყო, რომ მათ ეშინიათ პატარა პარტიების. მინდა მას და მთელ „ოცნებას“ ვუთხრა, თუ დატოვებენ 5%-იან ბარიერს და უფრო გააღრმავებენ პოლარიზაციას, თვითონვე გაებმებიან ამ მახეში. ასეთ შემთხვევაში, პარტიების ისეთი გაერთიანება მოხდება, კი დააზიანებს პატარა პარტიებს, მაგრამ აქაც ხელისუფლების შეცვლის თვალსაზრისით, რისიც „ოცნებას“ ეშინია, ამას მიიღებს, რადგან შეიქმნება დიდი კოალიცია, არა „ნაციონალურ მოძრაობასთან“ ერთად, არამედ ცალკე, „ნაციონალური მოძრაობა“ დაეხმარება ამ პროცესს და „ქართული ოცნება“ არ იქნება ხელისუფლებაში. ეს არ არის გადარჩენის მექანიზმი, მინდა ეს „ოცნებამ“ დაინახოს, რომ საკონსტიტუციო ცვლილებები არის როგორც შესაძლებლობა, აღდგეს ნდობა და ამას არ აკეთებენ“, - განაცხადა სამნიძემ.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა