ზურაბ აზარაშვილი საქართველოში ჩინეთის ელჩს შეხვდა
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ზურაბ აზარაშვილი, საქართველოში ჩინეთის სახალხო რესპუბლიკის ელჩ ჭოუ ციენს შეხვდა.
ჯანდაცვის სამინისტროს ინფორმაციით, მხარეებმა სამედიცინო სფეროში მიმდინარე მოვლენებზე ისაუბრეს.
მათივე ცნობით, შეხვედრაზე, მხარეებმა, ჯანდაცვისა და საზოგადოებრივი საკითხების მიმართულებით, ერთმანეთს საკუთარი გამოცდილება გაუზიარეს. ასევე, სამომავლო თანამშრომლობის საკითხები განიხილეს.
ზურაბ აზარაშვილმა ელჩს საქართველოსთვის გაწეული დახმარებისთვის მადლობა გადაუხადა.
შეხვედრას ელჩის მეორე მდივანი, ლი ფვენგი და მესამე მდივანი, ჩენ იუძძუნი ესწრებოდნენ.
