აჭარის ავტონომიური რესპუბლიკის მთავრობის ინფორმაციით, ბათუმი რაგბის ისტორიულ მატჩს 10 ივლისს უმასპინძლებს. საქართველოს ნაკრები იტალიის ნაკრებს შეერკინება.

მათივე ცნობით, სარაგბო ზეიმი ბათუმში 8 ივლისს იწყება და სამი დღის განმავლობაში გაგრძელდება.

„ჩამოსულ სტუმრებს და ადგილობრივებს სხვადასხვა ლოკაციაზე დაგეგმილ ღონისძიებებში ჩართვა შეეძლებათ. ძირითადი ღონისძიებები ევროპის მოედანზეა დაგეგმილი, სადაც, 8 ივლისს მიუზიკლი “გაყრა“, ასევე „მგზავრების“ და ფანკ ბენდის კონცერტი გაიმართება. 9 ივლისს სუხიშვილებისა და ჯგუფ killage-ს კონცერტი გაიმართება.

ბათუმის ქუჩებში, ბულვარში და სტადიონის მიმდებარედ დრამების შოუ, ფრანების შოუ გაიმართება და საზეიმო განწყობა მთელი ქალაქის მასშტაბით შენარჩუნდება.

10 ივლისს, 20 საათზე, ბათუმის აჭარაბეთ არენაზე „ბორჯღალოსნები“ 6 ერის მონაწილე იტალიას ერკინებიან.

8 ივლისი

20:00 - ევროპის მოედანი

• მიუზიკლი “გაყრა”
• ფანკ ბენდი
• მგზავრები
• Dj გურული

9 ივლისი

• 11:00 - 20:00 - ბათუმის ქუჩებში დრამების შოუ
• 11:00 - ქვიშის სახეობათა თამაშების ტურნირი, ბათუმის ბულვარი
• 17:00 - რომაული ბანაკი და ფოლკლორული შოუ, ანსამბლი "არსიანი", გონიოს ციხე
• 20:00 - ევროპის მოედანზე: road radio, სუხიშვილები, killage, DJ ბენე

10 ივლისი

• 12:00 - 20:00 - ბათუმის სანაპიროზე კოლონადებთან ფრანების შოუ
• 11:00 – 20:00 - დრამების შოუ - ბათუმის ქუჩებში, ბულვარში და სტადიონის მიმდებარედ
• 20:00 - საქართველო - იტალია - რაგბი ბათუმის სტადიონზე,“ - აღნიშნულია აჭარის ავტონომიური რესპუბლიკის მთავრობის მიერ გავრცელებულ ინფორმაციაში.