მარიამ ჯიშკარიანი - ნევროლოგიური პრობლემა, რომელიც მიხეილ სააკაშვილს ჰქონდა, პროგრესირებს, კვლავ საყურადღებო რჩება კვებითი თერაპიის პრობლემა

ცენტრ „ემპათიას" ხელმძღვანელის მარიამ ჯიშკარიანის განცხადებით, აუცილებელია ყოფილი პრეზიდენტის მიხეილ სააკაშვილის მკურნალობა და რეაბილიტაცია სათანადო კლინიკაში.

როგორც ჯიშკარიანმა კლინიკა "ვივამედში" სააკაშვილის მონახულების შემდეგ ჟურნალისტებს განუცხადა, კვლავ პრობლემაა მისი კვებითი თერაპიის სრულად აღდგენა. "კვლევების საჭიროება თანდათანობით გამოიკვეთა, გარკვეული კვლევები დღესაც მოვითხოვეთ, შემდგომში აუცილებლად მიგვაჩნია მისი მკურნალობა და რეაბილიტაცია შესაბამის კლინიკაში. სულ რომ აქ იყოს "მეიოს კლინიკა" ასეთი პროვოკაციული ელემენტები რომ იქნება საავადმყოფოსა და ციხეში, ეს წარმოუდგენლად მიმაჩნია. ვგულისხმობ კლინიკა "ვივამედში" ჟურნალისტების შეურაცხყოფას. მიხეილ სააკაშვილთან დაკავშირებით კვლევები შეთანხმებულად ტარდება, ჩვენ გამოვთქვით გარკვეული მოსაზრებები და თანხმობა მივიღეთ, ჩვენი აზრები ერთმანეთს ემთხვევა", - განაცხადა ჯიშკარიანმა.

რაც შეეხება მიხეილ სააკაშვილის ჯანმრთელობის მდგომარეობას, მარიამ ჯიშკარიანი აცხადებს, რომ "ნევროლოგიური პრობლემა, რომელიც მიხეილ სააკაშვილს ჰქონდა, პროგრესირებს".

"ასევე, კვლავ საყურადღებო რჩება კვებითი თერაპიის პრობლემა. ორგანიზმის ფუნქციონირების შენარჩუნება ხდება ხელოვნურად მიწოდებით, იქნება ეს საკვები დანამატი, მიკროელემენტი თუ გარკვეული მკურნალობა, ეს ნორმა არ არის. ნივთიერებათა ცვლა უნდა აღდგეს იმ დონეზე, რომ ორგანიზმმა საკვების სახით გარკვეული პროდუქტები მიიღოს და ორგანიზმმა მოახდინოს ფუნქციონირება თვითრეგულაციის რეჟიმში",-განაცხადა ჯიშკარიანმა.

ცნობისთვის, კლინიკა "ვივამედთან" მომუშავე ჟურნალისტებს უცნობმა პირებმა სიტყვიერი შეურაცხყოფა მიაყენეს. მომხდართან დაკავშირებით სამართალდამცველებმა ერთი პირი დააკავეს.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს