აჭარის ავტონომიური რესპუბლიკის მთავრობის თავმჯდომარე თორნიკე რიჟვაძემ მუსლიმ თანამოქალაქეებს ყურბან-ბაირამი მიულოცა.
„ჩვენს მუსლიმ თანამოქალაქეებს ვულოცავ ყურბან-ბაირამს - თანადგომის, მიტევების, სიკეთის გამარჯვების დღესასწაულს. მშვიდობას, ბედნიერებას და კეთილდღეობას გისურვებთ თქვენ და თქვენს ოჯახებს", - ნათქვამია თორნიკე რიჟვაძის განცხადებაში.
მუსლიმური სამყარო დღეს ერთ-ერთ მნიშვნელოვან დღესასწაულს, ყურბან ბაირამს ზეიმობს.
დღესასწაული სამი-ოთხი დღე გრძელდება და ამ პერიოდში მორწმუნის ერთ-ერთი უმთავრესი ვალდებულება ღვთის სიყვარულისა და მორჩილების გამოსახატად მსხვერპლის შეწირვაა. მუსლიმურ ტრადიციაში ეს დღესასწაული აახლოებს ადამიანს ღმერთთან, ხოლო ცხოველის რიტუალური შეწირვა (რომელსაც ურიგებენ ღარიბ-ღატაკებს) გულისხმობს სულიერ მიმართვას ღმერთისადმი.