უკრაინაში დღეს დაღუპული ქართველი მებრძოლის ვინაობა ცნობილია

უკრაინაში, რუსი ოკუპანტების წინააღმდეგ ბრძოლაში დაღუპული ქართველი ჯარსკაცი კახა გოგოლი ფოთში, დევნილთა დასახლებაში ცხოვრობდა.

მეზობლების ინფორმაციით, კახა მეომარი იყო და გმირულად დაიღუპა.

მათივე ინფორმაციით, იგი უკრაინაში საომარი მოქმედებების დაწყებიდან 15 დღეში გაემგზავრა.

ახლობლებისთვის ჯერ უცნობია, როდის მოხდება საქართველოში ჯარისკაცის ცხედრის გადმოსვენება.

„სოციალური ქსელიდან გავიგეთ ეს ამბავი. თავზარდაცემულები ვართ. კახა ზედმეტად პატრიოტი ადამიანი იყო, თავის სამშობლოზე უაღრესად შეყვარებული. თავის დროზე აფხაზეთშიც ომობდა. გვიჭირს მასზე წარსულში საუბარი“, - განაცხადა გარდაცვლილის ახლობელმა ზვიად ლეჟავამ.

კახა გოგოლი ლუგანსკის ოლქში იბრძოდა. გავრცელებული ინფორმაციით, ის 10 ივლისს გამთენიისას ოკუპანტების საჰაერო თავდასხმას ემსხვერპლა. ამავე ინფორმაციით, ჯარისკაცის ცხედარი უკვე ლუგანსკის ოლქშია გადასვენებული.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება