ხობში, „თიბისის“ მხარდაჭერით, საწარმო - „ბლუ ბერდ ბერიზ“ ამოქმედდა

„თიბისისა“ და სოფლის განვითარების სააგენტოს მხარდაჭერით, სამეგრელოში, ქალაქ ხობში, ლურჯი მოცვის შემნახველი და გადამამუშავებელი საწარმო - შპს "ბლუ ბერდ ბერიზ" ამოქმედდა.

„თიბისის“ ინფორმაციით, თანამედროვე სტანდარტებით აღჭურვილი საწარმოს მოწყობა ჯამში 2,3 მილიონი ლარი დაჯდა, საიდანაც „თიბისის“ თანამონაწილეობა, შეღავათიანი აგროკრედიტის ფარგლებში, 1,4 მილიონი ლარია.

მათივე ცნობით, საწარმოში ამ ეტაპზე 25-ზე მეტი ადგილობრივია დასაქმებული და მასში სეზონურად 600 ტონა ლურჯი მოცვის შენახვა და გადამუშავებაა შესაძლებელი. პროდუქცია განკუთვნილია, როგორც საექსპორტო, ასევე ადგილობრივი ბაზრისთვის. ამასთანავე, ფერმერებს შესაძლებლობა აქვთ საწარმოში მოცვის წინასწარი გაგრილების, დახარისხებისა და შენახვის მომსახურებით ისარგებლონ.

პროგრამის - „დანერგე მომავლი“ ფარგლებში, ლურჯი მოცვის კულტურა სამეგრელოში 1,300 ჰა ფართობზეა გაშენებული.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა