სადგურის მოედნის მიმდებარედ, თამარ მეფის გამზირზე გაჩენილი ხანძარი ლოკალიზებულია. როგორც შემთხვევის ადგილზე მყოფმა დიდუბის რაიონის გამგებელმა, ვლადიმერ ძნელაძემ ჟურნალისტებთან საუბრისას განაცხადა, ხანძრის ტერიტორიიდან მოქალაქეები დროულად გამოიყვანეს.
არსებული ინფორმაციით, ხანძრის შედეგად არავინ დაშავებულა. ამასთან, ამ დროისთვის უცნობია ხანძრის გამომწვევი ზუსტი მიზეზი.
ადგილზე სახანძრო-სამაშველო სამსახურის ჯგუფები 6 სახანძრო ავტომობილით ამ დრომდე იმყოფებიან.