ჩემი ადამიანური ვალდებულება იყო საკუთარი თვალით მენახა ყველაფერი. მინდა მოქალაქეებს ვუთხრა, რომ სააკაშვილს ნამდვილად ესაჭიროება მკურნალობა იმიტომ, რომ არის სუსტად და ვერ გადაადგილდება დამოუკიდებლად, - ამის შესახებ „სტრატეგია აღმაშენებლის“ წევრმა, დეპუტატმა პაატა მანჯგალაძემ „ვივამედის“ კლინიკაში საქართველოს მესამე პრეზიდენტის, მიხეილ სააკაშვილის მონახულების შემდეგ განაცხადა.
პაატა მანჯგალაძის ინფორმაციით, ის იზიარებს ექიმების და ოჯახის წევრების განცხადებას იმის თაობაზე, რომ სათანადო სამედიცინო დახმარების მიწოდებისთვის სააკაშვილის საზღვარგარეთ გადაყვანა არის საჭირო.
„მიხეილ სააკაშვილი ვიზუალურად არის ძალიან სუსტად, რაც არ ეტყობა მის შინაგან განწყობას. ყოფილი პრეზიდენტის სიცოცხლე არ უნდა დავაყენოთ კითხვის ნიშნის ქვეშ, ეს იქნება უპატიებელი შეცდომა. ჩემი ადამიანური ვალდებულება იყო საკუთარი თვალით მენახა ყველაფერი, მინდა მოქალაქეებს ვუთხრა, რომ სააკაშვილს ნამდვილად ესაჭიროება მკურნალობა იმიტომ, რომ არის სუსტად და ვერ გადაადგილდება დამოუკიდებლად”, - აღნიშნა პაატა მანჯგალაძემ.