„თიბისიმ“ მდგრადი განვითარების ანგარიში წარადგინა

„თიბისიმ“ მდგრადი განვითარების 2021 წლის ანგარიში წარადგინა, რომელიც მდგრადობის საერთაშორისო სტანდარტებსა და პრინციპებს ეფუძნება. „თიბისის“ ცნობით, ღონისძიება „თიბისი“ კონცეპტის სივრცეში, 12 ივლისს გაიმართა.

მათი ინფორმაციით, ღონისძიებას ესწრებოდნენ მედიის, საერთაშორისო და ადგილობრივი ორგანიზაციების, სახელმწიფო უწყებების, ასევე თიბისის სხვადასხვა პროგრამის ბენეფიციარები და თიბისის პარტნიორი - მცირე, საშუალო და მსხვილი ბიზნესების წარმომადგენლები.

„თიბისისთვის“ მნიშვნელოვანია მდგრადი განვითარება.

„კომპანია უკვე მესამედ წარადგენს წლიურ ანგარიშს, რომელიც ასახავს „თიბისის“ წვლილსა და გავლენას ეკონომიკაზე, გარემოსა და საზოგადოებაზე.

ღონისძიებაზე პრეზენტაცია - „30 წლიანი განვითარების მიმოხილვა“ სტუმრებს „თიბისის“ გენერალურმა დირექტორმა, ვახტანგ ბუცხრიკიძემ გააცნო. მდგრადი განვითარების ანგარიში კი, გენერალური დირექტორის მოადგილემ, რისკების მართვის დირექტორმა, ნინო მასურაშვილმა წარადგინა. ანგარიშის ფარგლებში, მან, ასევე, ისაუბრა, „თიბისის“ გარემოსდაცვითი, სოციალური და მმართველობის სტრატეგიისა და „თიბისის“ პრიორიტეტული მიმართულებების შესახებ.

ღონისძიების ფარგლებში გაიმართა პანელური განხილვა თემაზე - მდგრადი განვითარების გავლენა საქართველოში. პანელურ განხილვაში მონაწილებდნენ: გაეროს ქალთა ორგანიზაციის წარმომადგენელი თამარ საბედაშვილი, EBRD-ის (ევროპის რეკონსტრუქციისა და განვითარების ბანკი) რეგიონული დირექტორი კავკასიაში კატარინა ბიორლინ ჰანსენი; USAID-ის (ამერიკის საერთაშორისო განვითარების სააგენტო) კერძო სექტორთან თანამშრომლობის კოორდინატორი ბევერლი ჰუვერი, EIB-ის (ევროპის საინვესტიციო ბანკი) წარმომადგენელი ანდრეას ბერკჰოფი და „თიბისი ბანკის“ ბრენდის გამოცდილების, დიზაინისა და მარკეტინგის დირექტორი ნინო ეგაძე.

პანელური განხილვა მიეძღვნა მდგრადი განვითარების გავლენას საქართველოში. მონაწილეებმა ისაუბრეს მრავალფეროვნების მნიშვნელობასა და ქალთა გაძლიერებაზე, ფინანსურ ჩართულობაზე, არაფინანსური სერვისების მნიშვნელობაზე მდგრადი განვითარებისთვის, მდგრადი განვითარების ირგვლივ ცნობიერების ამაღლებასა და მხარდამჭერ ინიციატივებზე“,-აღნიშნულია ინფორმაციაში.

„თავისი არსებობის 30 წლიანი ისტორიის განმავლობაში, „თიბისი“ მუდმივად მზადაა, მაქსიმალური წვლილი შეიტანოს მდგრად განვითარებასა და კორპორაციული სოციალური პასუხისმგებლობის საკითხებში. „თიბისიმ“ არაერთი მნიშვნელოვანი პროექტი განახორციელა, რომელსაც გარემოსა და საზოგადოებაზე დადებითი გავლენა აქვს. ჩვენ, პარტნიორებთან და დაინტერესებულ მხარეებთან ერთად, მომავალშიც იგივე გულმოდგინებით გავაგრძელებთ მდგრადი განვითარების მიმართულებით აქტიურ ჩართულობას ადამიანების ცხოვრების გასამარტივებლად“, - განაცხადა „თიბისის“ გენერალურმა დირექტორმა, ვახტანგ ბუცხრიკიძემ.

„თიბისისთვის“ ცნობით, მათთვის პრიორიტეტულია ისეთი საკითხები, როგორებიცაა ბიზნეს სექტორის მხარდაჭერა, მომხმარებელთა და თანამშრომელთა უფლებების დაცვა, შრომითი პირობების გაუმჯობესება, სამუშაო ადგილების მრავალფეროვნება, ქალთა ეკონომიკური გაძლიერება, ციფრული ტექნოლოგიების განვითარება, მდგრადი დაფინანსება, გარემოსდაცვითი საკითხები, კორპორაციული სოციალური პასუხისმგებლობა, ფინანსური განათლება და სხვა.

„მდგრადი განვითარების ანგარიშში წარმოდგენილია ის შედეგები, რომლებსაც „თიბისიმ“ 2021 წელს მიაღწია, ასევე ამ მიმართულებით კომპანიის სამომავლო გეგმები. „თიბისი“ არაერთი პროექტის ავტორი, დამფინანსებელი და მხარდამჭერია, რომელიც ზემოთ ჩამოთვლილ თემებს ეხმიანება.

„თიბისის“ მდგრადი განვითარების ანგარიშის სრული ვერსია ხელმისაწვდომია „თიბისის“ ვებ-გვერდზე – www.tbcbankgroup.com “,-აღნიშნულია ინფორმაციაში.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა