რელიგიის საკითხთა სახელმწიფო სააგენტო სომხურ სამოციქულო ეკლესიას მოციქულთა ხსენების დღეს ულოცავს.
სააგენტოს ცნობით, სომეხთა სამოციქულო წმ. ეკლესია დღეს იესო ქრისტეს რჩეულ 12 მოციქულსა და მეცამეტე მოციქულის, პავლეს იხსენიებს.
„12 მოციქული ქრისტეს მოწაფეები და ქრისტეს მოძღვრების პირველი გამავრცელებლები იყვნენ, მათ იესოს მოძღვრება უქადაგეს სხვადასხვა ერებს. ქრისტეს მცნებათა უდიდესი მქადაგებელი იყო პავლე მოციქული, რომელიც ქრისტიანულმა ეკლესიამ აღიარა მე -13 მოციქულად. სომხური სამოციქულო ეკლესია 12 მოციქულთა და მე -13 მოციქულად აღიარებულ პავლეს ფერისცვალებამდე ერთი კვირით ადრე იხსენიებს“, - ნათქვამია ინფორმაციაში.