ურსულა ფონ დერ ლაიენი გაზის იმპორტის ახალი შეთანხმების მისაღწევად აზერბაიჯანს ეწვევა

ევროკომისიის პრეზიდენტი, ურსულა ფონ დერ ლაიენი დღეს ბაქოში აზერბაიჯანის ხელისუფლების წარმომადგენლებს შეხვდება და აზერბაიჯანიდან ევროკავშირში ბუნებრივი გაზის იმპორტის მოცულობის გაზრდის შესახებ მოლაპარაკებებს გამართავს.

„ევრონიუსის“ ინფორმაციით, შეთანხმება დაეხმარება ევროკავშირს შეამციროს დამოკიდებულება რუსულ ენერგეტიკაზე და ასევე შესაძლებელს გახდის მოაგვაროს გაზის მიწოდებასთან დაკავშირებული პრობლემა მას შემდეგ, რაც გასულ კვირას გაზსადენ „ჩრდილოეთ ნაკადი 1“-ის დაგეგმილი წლიური ტექნიკური სამუშაოები დაიწყო.

ამასთან, Reuters-თვის ცნობილი გახდა დოკუმენტის შინაარსი, რომლის თანახმად, ბაქოსა და ევროკავშირს შორის შეთანხმება გაზრდის გაზის ნაკადს ბლოკში სამხრეთ გაზსადენის დერეფნის გავლით.

„მხარეები მიისწრაფიან მხარი დაუჭირონ ბუნებრივი გაზის ორმხრივ ვაჭრობას, მათ შორის ევროკავშირში ექსპორტის გზით, სამხრეთ გაზის დერეფნის გავლით, 2027 წლისთვის, ყოველწლიურად მინიმუმ 20 მილიარდი კუბური მეტრი გაზის მოცულობით“, - ნათქვამია დოკუმენტში.

აღსანიშნავია, რომ გასულ წელს მილსადენით ევროკავშირში 8 მილიარდი კუბური მეტრი გაზის მიწოდება განხორციელდა.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა