უზბეკეთში ვიზიტით მყოფმა თბილისის მერმა, კახა კალაძემ ტაშკენტის მერთან, ჯახონგირ არტიკხოჯაევთან ერთად, ტაშკენტში მდებარე შოთა რუსთაველის ძეგლი ყვავილებით შეამკო. ინფორმაციას ამის შესახებ თბილისის მერია ავრცელებს.
მათივე ცნობით, კახა კალაძემ ცნობილი სკულპტორის, იაკობ შაპიროს ნამუშევრის - შოთა რუსთაველის ძეგლისა და მიმდებარე ტერიტორიის რეაბილიტაციის გამო კმაყოფილება გამოთქვა.
ტაშკენტის მერის განცხადებით, ტაშკენტის მერია გეგმავს, ქალაქის სიმბოლო - ტრამვაი აღადგინოს, რომელიც სწორედ რუსთაველის ქუჩაზე იმოძრავებს.
თბილისის მერი ტაშკენტში საქართველოს პრემიერ-მინისტრის, ირაკლი ღარიბაშვილის ვიზიტის ფარგლებში იმყოფება.