ნიკა გვარამიას ადვოკატის განცხადებით, სააპელაციო სასამართლოს მიერ სხდომის 2-თვენახევრით გადადება კანონით გათვალისწინებული ვადების დარღვევაა

„მთავარი არხის“ დამფუძნებლის, მსჯავრდებულ ნიკა გვარამიას ადვოკატის, დიმიტრი საძაგლიშვილის განცხადებით, თბილისის სააპელაციო სასამართლოს მიერ სხდომის 2-თვენახევრით გადადება კანონით გათვალისწინებული ვადების დარღვევაა.

როგორც საძაგლიშვილმა აღნიშნა, კანონის თანახმად, სასამართლოს საქმის განხილვა 14 სექტემბრამდე უნდა დაესრულებინა.

„დღევანდელი სასამართლო სხდომა დაიწყო მოსამართლის განცხადებით, რომელმაც განმარტა, რომ სისხლის სამართლის საპროცესო კოდექსით გათვალისწინებულ ვადაში ჩაინიშნა პირველი სხდომა, რაც ნამდვილად ასეა, უბრალოდ, იმავე მუხლის სხვა ნაწილი განსაზღვრავს საქმის განხილვის ვადას და ამ შემთხვევაში, კანონის თანახმად, სასამართლოს 14 სექტემბრამდე უნდა დაესრულებინა საქმის განხილვა და გამოეტანა განაჩენი, ამის საპირისპიროდ პროცესის ბოლოს, გაუგებარი მიზეზით გვითხრა, რომ 4 ოქტომბრამდე არ შეუძლია მომდევნო სხდომის დანიშვნა. ეს ცალსახად არის კანონის მოთხოვნათა დარღვევა, ბუნებრივია, სასამართლოსაც არ დაუწყია საპირისპიროს მტკიცება, რადგან შეუძლებელია, თეთრზე ამტკიცო შავი. ფაქტია, რომ კანონით გათვალისწინებული ვადა ირღვევა მხოლოდ და მხოლოდ იმის გამო, რომ თურმე, შეუძლებელია შვებულებების ერთმანეთთან შეთანხმება და ისე ორგანიზება, რომ კანონით გათვალისწინებული ვადა არ დაირღვეს, რაც ძალიან მნიშვნელოვანია განსაკუთრებით, იმ პირობებში, როცა ევროპარლამენტის რეზოლუციის შინაარსი ვიცით, განსაკუთრებით იმ პირობებში, როცა არაერთმა ევროპარლამენტარმა მიუთითა, რომ აკვირდებიან ყურადღებით, თუ როგორ განვითარდება მოვლენები ამ საქმეზე და ეს საქმე პირდაპირ გავლენას ახდენს საქართველოს ევროკავშირში ინტეგრაციის გზაზე“, - განაცხადა საძაგლიშვილმა.

მისივე თქმით, ნიკა გვარამია პოლიტიკური მოტივაციით იდევნება.

"კარგია, რომ საქმის მასალებს დაერთო უზენაესი სასამართლოს მიერ გაცემული სტატისტიკა, რომლის მიხედვითაც, უკანასკნელი 5 წლის განმავლობაში არც ერთი პირის მიმართ არ ყოფილა პატიმრობა გამოყენებული 220-ე მუხლზე, ეს არის მუხლი, რომლის საფუძველზეც ნიკა გვარამია პატიმრობაში იმყოფება“, - განაცხადა საძაგლიშვილმა.

ცნობისთვის, თბილისის სააპელაციო სასამართლოს მოსამართლეთა კოლეგიის გადაწყვეტილებით, ნიკა გვარამიას, კახაბერ დამენიასა და ზურაბ იაშვილის სასამართლო პროცესი 4 ოქტომბრისთვის გადაიდო.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს