რუსეთის პრეზიდენტი ვლადიმერ პუტინი ირანში ოფიციალური ვიზიტით იმყოფება.

მედიის ცნობით, ეს კრემლის ლიდერის მხოლოდ მეორე უცხოური ვიზიტია მას შემდეგ, რაც თებერვალში უკრაინაში შეჭრა დაიწყო.

პუტინი თეირანში ირანის პრეზიდენტს ებრაჰიმ რაისის შეხვდა. მოგვიანებით, ის ირანის უზენაეს ლიდერს აიათოლა ალი ხამენეის და თურქეთის პრეზიდენტს რეჯეფ თაიფ ერდოღანს შეხვდება.

განსახილველ საკითხებს შორისაა მარცვლეულის ექსპორტი, სირიისა და უკრაინის კონფლიქტები.

როგორც დასავლური მედია წერს, ვიზიტი არის შანსი რუსეთისთვის, გააღრმავოს კავშირები ირანთან, რომელიც კრემლის ერთ-ერთი დარჩენილ საერთაშორისო მოკავშირეთა შორისაა.

რაისთან შეხვედრის შემდეგ, პუტინმა განაცხადა, რომ ურთიერთობები ირანსა და რუსეთს შორის "კარგი ტემპით ვითარდება".

რუსეთის პრეზიდენტმა აღნიშნა, რომ ორი ქვეყანა აძლიერებს კავშირებს ისეთ სფეროებში, როგორიცაა საერთაშორისო უსაფრთხოება, ვაჭრობა და „სირიის კრიზისის მოგვარება“.

ცნობისთვის, გასულ კვირას აშშ-ს ოფიციალურმა პირებმა განცხადებებს, რომ უკრაინაში ომისთვის, თეირანი რუსეთისთვის ასობით დრონის მიწოდებას გეგმავდა. დღეს რუსულმა ენერგეტიკულმა გიგანტმა „გაზპრომმა“ კი ხელი მოაწერა 40 მილიონი აშშ დოლარის ღირებულების ახალ ხელშეკრულებას ირანის სახელმწიფო ნავთობკომპანიასთან.