არც ერთი უსახლკარო თბილისელი არ დარჩება საცხოვრებელი ფართის გარეშე, ყველას დავაკმაყოფილებთ და ყველას გვერდში დავუდგებით, - ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.
მისი თქმით, უსახლკაროს სტატუსი დაახლოებით 400-მდე ოჯახს აქვს.
„უსახლკაროთა პროგრამა წარმატებით მიმდინარეობს. 53 ბინა არის შეძენილი და ხდება ოჯახების დაკმაყოფილება. დაახლოებით 400-მდე ოჯახს აქვს უსახლკაროს სტატუსი. არც ერთი უსახლკარო თბილისელი არ დარჩება საცხოვრებელი ფართის გარეშე, ყველას დავაკმაყოფილებთ და ყველას გვერდში დავუდგებით. ეს პროგრამა წარმატებით მიმდინარეობს და მომდევნო წლების განმავლობაში ყველა ოჯახი იქნება დაკმაყოფილებული. ვისაც ჯერ სტატუსი მიღებული არ აქვს, უნდა მიმართოთ შესაბამის უწყებას და ყველანაირად დაგეხმარებიან, აგიხსნიან და გეტყვიან რა დოკუმენტაცია არის საჭირო იმისთვის, რომ მიიღოთ უსახლკაროს სტატუსი“, - განაცხადა კალაძემ.