თამარ გაბუნიამ ყირგიზეთისა და უზბეკეთის ჯანდაცვის სფეროს წარმომადგენებს საქართველოში ტუბერკულოზის პროგრამის მიმდინარეობა გააცნო

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველმა მოადგილემ, თამარ გაბუნიამ ყირგიზეთისა და უზბეკეთის დელეგაციებს უმასპინძლა. ინფორმაციას ამის შესახებ ჯანდაცვის სამინისტრო ავრცელებს.

მათივე ცნობით, თამარ გაბუნიამ ჯანდაცვის სისტემებისა და ინფექციის კონტროლის სფეროს წარმომადგენლებს, საქართველოში ტუბერკულოზის პროგრამის მიმდინარეობა, მიღწევები და გამოცდილება გააცნო.

მხარეებმა სამომავლო თანამშრომლობის საკითხებიც განიხილეს.

როგორც ჯანდაცვის მინისტრის მოადგილემ აღნიშნა, ტუბერკულოზის მართვის მოდელი, კერძო და სახელმწიფო სექტორს შორის ეფექტურ თანამშრომლობას ემყარება.

„აქტიური თანამშრომლობა პაციენტების დროული გამოვლენის და ეფექტური მართვის შესაძლებლობას იძლევა”, - განაცხადა თამარ გაბუნიამ.

სამინისტროს ინფორმაციით, შეხვედრა ტუბერკულოზისა და ფილტვის დაავადებათა ეროვნული ცენტრის სასწავლო ტურის ფარგლებში გაიმართა. ტურის მიზანი ტუბერკულოზის ეროვნული პროგრამის გამოცდილების, მისი ორგანიზების და გლობალური ფონდის პროექტის დანერგვის პრინციპების შესწავლა, ასევე უზბეკეთსა და ყირგიზეთთან ტუბერკულოზის პროგრამების კუთხით თანამშრომლობის გაძლიერება წარმოადგენს.

დელეგაციების წევრები მკურნალობის მეთოდების, მათ შორის, FAST მეთოდიკის უკეთ გაცნობის მიზნით რეგიონების ტუბერკულოზის კლინიკებსაც დაათვალიერებენ.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება