შავი ზღვის საერთაშორისო უნივერსიტეტის სამართლის ფაკულტეტმა, საქართველოს ტექნიკური უნივერსიტეტის ბიზნესტექნოლოგიების ფაკულტეტთან თანამშრომლობით, IBSU-ს კამპუსში, საერთაშორისო სიმპოზიუმს - „ეკონომიკური დანაშაული ევროკავშირსა და საქართველოში“ უმასპინძლა. ინფორმაციას ამის შესახებ IBSU ავრცელებს.

უნივერსიტეტის ცნობით, სიმპოზიუმის საპატიო სტუმრები სენატორი, ზაარლანდის აუდიტორული კომპანიის MPH ხელმძღვანელი, მიჰაილ ჰარცი და დოქტორი, ზაარლანდის ეკონომიკისა და ტექნოლოგიების უნივერსიტეტის პროფესორი, აუდიტორული კომპანია MPH პარტნიორი, ვილჰემ ჰაუზერი იყვნენ.

მათივე ინფორმაციით, სტუმრებმა ეკონომიკური დანაშაულის სახეობებზე, გამოძიების მეთოდიკასა და ამ მიმართულებით საკუთარ გამოცდილებაზე ისაუბრეს.