გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა, ამბროლაურის მუნიციპალიტეტის სოფელ სხარტალში, მოქალაქის საკარმიდამო ნაკვეთში, წიწვოვანი სახეობის 40 ერთეული დაუფირნიშებელი მრგვალი ხე-ტყე (მორი) გამოავლინეს.
სამინისტროს ინფორმაციით, აღნიშნული ფაქტი სისხლის სამართლის დანაშაულის ნიშნებს შეიცავს და მასალები, შემდგომი რეაგირების მიზნით, შესაბამის უწყებაში გადაიგზავნა.