საქართველოს მთავრობის ადმინისტრაციაში, რელიგიის საკითხთა სახელმწიფო სააგენტოსთან არსებული რელიგიურ გაერთიანებათა ქონებრივი და ფინანსური საკითხების შემსწავლელი სარეკომენდაციო კომისიის მესამე სხდომა გაიმართა. ინფორმაციას ამის შესახებ რელიგიის საკითხთა სახელმწიფო სააგენტო ავრცელებს.
მათივე ცნობით, სხდომას რელიგიის საკითხთა სახელმწიფო სააგენტოსა და საქართველოს მართლმადიდებელი ეკლესიის წარმომადგენელი დაესწრო.
სააგენტოს ინფორმაციით, კომისიამ სულ 27 საკითხი განიხილა. აქედან საქართველოს მართლმადიდებელი ეკლესიის მიერ წარმოდგენილი იყო 24 საკითხი, რომელთაგან დადებითი რეკომენდაცია 20 საკითხზე გაიცა, 2 არ დაკმაყოფილდა და 2 საკითხზე ხარვეზი დადგინდა. ასევე, სომხური მართლმადიდებელი ეკლესიის მრევლის 3 საკითხი განიხილეს. სამივე საკითხზე კომისიამ დადებითი გადაწყვეტილება გამოიტანა.