„საქართველოს ფერმერთა ასოციაცია" შვედი პარტნიორების დახმარებით რეგიონულ აქტივობას აფართოებს

„საქართველოს ფერმერთა ასოციაციის” მმართველმა გუნდმა და კახეთის ოფისის თანამშრომლებმა შვედეთის საელჩოსა და შვედეთის საერთაშორისო განვითარების თანამშრომლობის სააგენტოს (Sida) წარმომადგენლებს რეგიონის მასშტაბით ასოციაციის საქმიანობა გააცნეს. ამის შესახებ ინფორმაციას “საქართველოს ფერმერთა ასოციაცია” ავრცელებს.

მათივე ინფორმაციით, კახეთში ორდღიანი ვიზიტის ფარგლებში, შეხვედრები გაიმართა ხუთ ფერმერთან, რომლებიც საკუთარ აგროსაქმიანობას ასოციაციასთან აქტიური თანამშრომლობით ახორციელებენ და რეგიონის სოფლის მეურნეობის განვითარებაში საკუთარი მნიშვნელოვანი წვლილი შეაქვთ. პროფესიულ კოლეჯ „პრესტიჟში“ შვედი პარტნიორები ასევე გაეცნენ აგრომიმართულების საგანმანათლებლო პროგრამებს, რომლებიც ასოციაციასთან აქტიური თანამშრომლობით ხორციელდება.

„საქართველოს ფერმერთა ასოციაციის“ ერთ-ერთი უმთავრესი პრიორიტეტია ქვეყნის მასშტაბით ყველა ფერმერისა და აგროსაქმიანობაში ჩართული ორგანიზაციისთვის თანაბრად იყოს ხელმისაწვდომი ჩვენი პროექტები, მრავალფეროვანი სერვისები და საგრანტო თუ საგანმანათლებლო შესაძლებლობები. მოხარულები ვართ, რომ შვედეთის სამეფოსთან, მათ საელჩოსთან და საერთაშორისო განვითარების თანამშრომლობის სააგენტოსთან წარმატებული პარტნიორობის გამოცდილება გვაქვს. მათი აქტიური დახმარებით საქართველოს ფერმერთა ასოციაციის რეგიონული აქტივობა მუდმივად იზრდება და არაერთ მნიშვნელოვან პროექტსა და ინიციატივას აერთიანებს. ამ ტიპის ვიზიტით ჩვენს პარტნიორებთან ერთად, მომდევნო თვეებში ქვეყნის სხვა რეგიონებსაც ვეწვევით“, - განაცხადა "საქართველოს ფერმერთა ასოციაციის" აღმასრულებელმა დირექტორმა, თამარ თორიამ.

შვედეთის მხარდაჭერით მიმდინარე წელს „საქართველოს ფერმერთა ასოციაციის“ რეგიონული ოფისები სრული დატვირთვით ამოქმედდა თელავში, ქუთაისში, ზუგდიდსა და ახალციხეში.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა