ჯგუფი „ეგარი“ დასავლეთ საქართველოს ოთხ მუნიციპალიტეტს ეწვია და მოსახლეობისთვის კონცერტები გამართა.

პროექტი „ჩემი საქართველო - ეგარი“ საქართველოს კულტურის, სპორტისა და ახალგაზრდობის სამინისტრომ კონკურსის „ქართული ესტრადა და ფოლკლორი რეგიონებში - ხელშეწყობა საგასტროლო ხარჯებით განხორციელდა.

მუსიკოსებმა ტრადიციული პროგრამა საკონცერტო დარბაზებსა და სპეციალურად მოწყობილ ღია სივრცეებში წარმოადგინეს.

აბაშის, ლანჩხუთის, ქედას და ოზურგეთის სოფელ მაკვანეთის მოსახლეობისთვის კონცერტების ორგანიზება კომპანია Meta Georgia-მ უზრუნველყო. დასკვნითი კონცერტი ოზურგეთის რაიონის სოფელ მაკვანეთში გაიმართა, რომელიც ანზორ ერქომაიშვილისა და ბადრი თოიძის ხსოვნას მიეძღვნა.