პარტია „ანა დოლიძე - ხალხისთვის“ ბიჭვინთის საკითხთან დაკავშირებით ხელისუფლებას გეგმას სთავაზობს

პარტია „ანა დოლიძე - ხალხისთვის“ ბიჭვინთის საკითხთან დაკავშირებით ხელისუფლებას გეგმას სთავაზობს.

პარტიის ლიდერის ანა დოლიძის თქმით, მათ აფხაზეთის და სამაჩაბლოს ურთიერთობასთან დაკავშირებით, 4- პუნქტიანი გეგმა აქვთ.

„როგორც ცნობილია, ბიჭვინთის სახელმწიფო აგარაკის შესახებ შეთანხმების პროექტით, 186 ჰექტარი მიწა და საზღვაო სივრცის 115 ჰექტარი რუსეთის ფედერაციის მფლობელობაში გადადის. აფხაზეთის საზოგადოების ნაწილი, ოპოზიციურად განწყობილი და ნაკლებად პოლიტიზებული მოსახლეობაც კი აღნიშნული შეთანხმების წინააღმდეგია.

აქედან გამომდინარე, პარტია „ხალხისთვის“ ლიდერის, ანა დოლიძის თქმით, პარტიას აქვს 4 პუნქტიანი გეგმა აფხაზეთის და სამაჩაბლოს ურთიერთობასთან დაკავშირებით: 1) შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი - წარმოადგინოს გეგმა აფხაზეთისა და სამაჩაბლოს მოსახლეობისთვის ფედერალური სტატუსის შეთავაზების შესახებ. 2) ეროვნული უსაფრთხოების საბჭო - დაუყოვნებლივ მოწვეულ იქნას ეროვნული უსაფრთხოების საბჭო, რომელიც განიხილავს აღნიშნულ საკითხს. 3) სახალხო პოლიტიკის დანერგვა - ხელისუფლებამ წარმოადგინოს ახალი სამშვიდობო - სახალხო პოლიტიკა სამაჩაბლოსა და აფხაზეთის მოსახლეობასთან მიმართებაში, რომელიც გულისხმობს წინადადებების შემუშავებას სოციალური თუ ეკონომიკური მიმართულებით. 4) საერთაშორისო ზეწოლა - საგარეო საქმეთა სამინისტრომ გააკეთოს განცხადება, რომელიც დაგმობს რუსეთის მხრიდან ტერიტორიის მითვისებას საერთაშორისო სამართლებრივი არგუმენტებით. ამასთანავე, შეასრულოს მასზე დაკისრებული პასუხისმგებლობა და გაატაროს მთელი რიგი ღონისძიებები. კერძოდ, აქტიურად ითანამშრომლოს დიპლომატიური კორპუსის წარმომადგენლებთან, გამართოს მაღალი რანგის შეხვედრები სტრატეგიულ პარტნიორებთან“, - აღნიშნულია პარტია „ანა დოლიძე - ხალხისთვის“ მიერ გავრცელებულ ინფორმაციაში.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა