უკრაინის პრეზიდენტმა ვოლოდიმირ ზელენსკიმ ქვეყნის მომავალ გენერალურ პროკურორად ანდრეი კოსტინი წარადგინა, რომელიც მისი პოლიტიკური პარტიის დეპუტატია.

საინფორმაციო სააგენტო „როიტერსის“ ცნობით, ზელენსკიმ ოფიციალური განცხადება წარუდგინა პარლამენტს, რათა კანონმდებლებმა კენჭი უყარონ კოსტინის დანიშვნას.

უკრაინის გენპროკურორის თანამდებობაზე ანდრეი კოსტინი ირინა ვენედიქტოვას შეცვლის, რომელიც ამ თვის დასაწყისში დაკავებული პოსტიდან ზელენსკიმ გაათავისუფლა.