ოთარ შამუგია ჩინეთის სახალხო რესპუბლიკის საგანგებო და სრულუფლებიან ელჩს საქართველოში, ჭოუ ციენს შეხვდა

გარემოს დაცვისა და სოფლის მეურნეობის მინისტრი ოთარ შამუგია ჩინეთის სახალხო რესპუბლიკის საგანგებო და სრულუფლებიან ელჩს საქართველოში, ჭოუ ციენს შეხვდა.

როგორც გარემოს დაცვისა და სოფლის მეურნეობის სამინისტროს მიერ გავრცელებულ ინფორმაციაშია აღნიშნული, შეხვედრაზე მხარეებმა საქართველოსა და ჩინეთის სახალხო რესპუბლიკას შორის 30 წლიანი თანამშრომლობის და ქვეყნებს შორის არსებული თავისუფალი ვაჭრობის შესახებ შეთანხმების მნიშვნელობაზე ისაუბრეს.

მათივე ცნობით, ოთარ შამუგიამ მადლობა გადაუხადა ელჩს ჩინეთის სახალხო რესპუბლიკის მიერ აზიური ფაროსანას წინააღმდეგ ბრძოლაში ტექნიკური მხარდაჭერისა და საქართველოში სამელიორაციო ინფრასტრუქტურის და სასათბურე მეურნეობების მოწყობის მიმართულებით მნიშვნელოვანი პროექტების განხორციელებისათვის.

უწყების ინფორმაციით, ჭოუ ციენმა შეხვედრაზე აღნიშნა, რომ საქართველოს სოფლის მეურნეობის განვითარების დიდი შესაძლებლობა აქვს; ქართული ღვინო განსაკუთრებულია და ჩინურ ბაზარზე ექსპორტის სტაბილური ზრდის რეალური პოტენციალი არსებობს.

ელჩის განცხადებით, არსებობს სურვილი, საქართველოსა და ჩინეთს შორის აგრარული მიმართულებით თანამშრომლობა კიდევ მეტად გაღრმავდეს. შეხვედრას გარემოს დაცვისა და სოფლის მეურნეობის მინისტრის მოადგილე ნინო თანდილაშვილი ესწრებოდა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის