შრომის ინსპექციის სამსახურის უფროსი ბექა ფერაძე შრომის უსაფრთხოების მენეჯერებს შეხვდა, სადაც დარგში მიმდინარე და დაგეგმილ ცვლილებებზე ისაუბრეს. ამის შესახებ ინფორმაციას შრომის ინსპექციის სამსახური ავრცელებს.
მათივე ცნობით, შრომის უსაფრთხოების დეპარტამენტის უფროსმა, მაია მიქაიამ და იურიდიული დეპარტამენტის უფროსმა, მაია მჭედლიშვილმა დეტალური პრეზენტაცია წარმოადგინეს სამუშაო სივრცეში უსაფრთხოებისა და ჯანმრთელობის დაცვის მინიმალური მოთხოვნების შესახებ ახლად ამოქმედებული რეგლამენტის შესახებ, რომელიც ასოცირების ხელშეკრულების ფარგლებში მიიღეს.
როგორც უწყების მიერ გავრცელებულ ინფორმაციაშია აღნიშნული, ახალი რეგლამენტი არეგულირებს შემდეგ საკითხებს: შენობების მედეგობა და კონსტრუქციული სიმტკიცე, სახანძრო უსაფრთხოება, საევაკუაციო გზები და გასასვლელები, საფრთხის შემცველი ადგილები, ესკალატორები და მოძრავი სავალი ბილიკები, ასევე, სატვირთო პლატფორმები და პანდუსებთან დაკავშირებული საკითხები, ასევე განსაზღვრულია დახურული სამუშაო სივრცის პარამეტრები, მათ შორის: მიკროკლიმატი, განათება, ვენტილაცია და ასევე რეგლამენტით დადგენილია მინიმალური მოთხოვნები შეზღუდული შესაძლებლობის მქონე (შშმ) დასაქმებულთა და ორსული ქალებისათვის.
შეხვედრას სხვადასხვა კერძო კომპანიის 120-მდე შრომის უსაფრთხოების მენეჯერი ესწრებოდა.