„ბავშვთა სამყაროს“ მიმდებარე ტერიტორიაზე გარემოვაჭრეებმა, საქმიანობის გაგრძელების მოთხოვნით, გზა გადაკეტეს.
ტერიტორიაზე სიტუაცია მას შემდეგ დაიძაბა, რაც ადგილზე მერიის ინსპექტირების სამსახურის თანამშრომლები მოვიდნენ და ჯიხურების აღება სცადეს.
გარემოვაჭრეებს საქმიანობის გაგრძელების მოთხოვნით, გზა დაახლოებით, ნახევარი საათის განმავლობაში ჰქონდათ გადაკეტილი.
„მერიის ბიჭები მოვიდნენ და სამსახური გვაქვს ისეთი, უნდა წაგართვათო. არ შეიძლება გარეთ ვაჭრობაო. ჩემს ახლობელ გოგოს, რომელიც ავადმყოფია, მერიის მანქანა მოადგა უკან და სტაცა საქონლის ყუთს ხელი და ჩატენეს მანქანაში. ატყდა წივილ-კივილი. ამასობაში, ერთი ქალი ცუდად გახდა. ჩადეს მანქანაში ნივთები და უკან აღარაფერი დაუბრუნეს,“ - განაცხადა ერთ-ერთმა მოვაჭრემ.