საქართველოს ტექნიკური უნივერსიტეტი - ტკივილით ვუსამძიმრებთ ტრაგიკულად დაღუპული სტუდენტის, მირიან კუკავას ოჯახს

საქართველოს ტექნიკური უნივერსიტეტის რექტორი, პროფესორი დავით გურგენიძე, უნივერსიტეტის ადმინისტრაცია, სტუ-ის დიზაინის საერთაშორისო სკოლის დეკანი, პროფესორი ნიკა შავიშვილი, პროფესორ-მასწავლებლები და სტუდენტები ტრაგიკულად დაღუპული ახალგაზრდის, მირიან კუკავას ოჯახს ტკივილით უსამძიმრებენ.

„საქართველოს ტექნიკური უნივერსიტეტისთვის უმძიმესი აღმოჩნდა გუშინდელი საღამო, დღევანდელი დილა, როდესაც ჩვენი სტუდენტის, დიზაინის საერთაშორისო სკოლის ნიჭიერი, შემოქმედებითი უნარებით დაჯილდოებული და იმედისმომცემი ბაკალავრის, გულისხმიერებით, სიკეთითა და სიყვარულით სავსე მირო კუკავას ტრაგიკულად დაღუპვის ამბავი შევიტყვეთ.

ჩვენმა ქვეყანამ, კიდევ ერთი ახალგაზრდა დაკარგა, გაუმართლებელ სისასტიკეს, ადამიანურობის დეფიციტს, სხვისი სიცოცხლისადმი გულგრილ დამოკიდებულებას კიდევ ერთი ახალგაზრდის სიცოცხლე ემსხვერპლა, რაც საშინელი, საბედისწერო შედეგით დასრულდა. გვიჭირს ამ უმძიმეს წუთებში, სამძიმრით მივმართოთ ოჯახს... საქართველოს ტექნიკური უნივერსიტეტისთვის გამორჩეული სტუდენტის, მირიან კუკავას სახელი მოუშუშებელ იარად დიდხანს დარჩება“, - აღნიშნულია საქართველოს ტექნიკური უნივერსიტეტის სამძიმარში.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს