ლატვია ევროკავშირში რუსეთის მოქალაქეებისთვის ტურისტული ვიზების აკრძალვის წინადადებით გამოდის

ლატვია ევროკავშირში რუსეთის მოქალაქეებისთვის ტურისტული ვიზების აკრძალვის წინადადებით გამოდის. ამის შესახებ ლატვიის საგარეო საქმეთა მინისტრმა ედგარ რინკევიჩმა „ტვიტერის“ საკუთარ გვერდზე დაწერა.

მან დაგმო რუსეთის შეიარაღებული ძალების მიერ ოლენივკაში უკრაინელი სამხედრო ტყვეების „სასტიკი მკვლელობა და რუსი სამხედროების მიერ უკრაინის წინააღმდეგ მიმდინარე საშინელებები“.

„ევროკავშირმა რუსეთის სახელმწიფო ტერორიზმის დამფინანსებლად უნდა განიხილოს. კიდევ ერთხელ ვიმეორებ წინადადებას, რუსეთის მოქალაქეებისთვის ევროკავშირის ტურისტული ვიზის აკრძალვის დაწესების შესახებ“, - განაცხადა რინკევიჩმა.